Xelata Aştîye ya Nobelî ya 2025î seba mucadeleyê aye yê pawitişê heqanê demokratîkan ê Venezuela dîya sîyasetmedara Venezuelayije Maria Corina Machado.
Paytextê Norveçî Oslo de, Enstîtuya Nobelî ya Norveçî de kombîyayîşê çapemenîye ame viraştene û wayîrê Xelata Aştîye ya Nobelî ya 2025î ame eşkerakerdene.
Maria Corina Machado ya Venezuelayije, seba “mucadeleyê ke aye seba pawitişê heqanê demokratîkan ê şarê Venezuela dayo û seba xebatanê aye yê ke seba vîyartişêko adîl û biaştî yê dîktatorîye ra demokrasîye dayê” bîye wayîra xelate
Xelata Aştîye ya Nobelî ya 2024î sazîya Japone Nihon Hidankyo qezenc kerdbî.
Maria Corina Machado Kama ya?
Machado, a ke serra 1967î de Venezuela de ameya dinya û sîyasetmedarêka wayîra perwerdeyê muhendîsî û malîye ya, serra 1992î de paytext Karakas de seba hetkarîkerdişê gedeyanê bêkesan ‘Weqfa Atenea’ na ro.
Serra 2002î de zî ronayoxanê ‘Sumate ya ke paştî dana weçînayîşanê azad û adîlan’ ra yewe bî. Machado, serra 2010î de bi reyêko rekor Meclîsê Neteweyî rê ameye weçînayene.
Machado, serra 2014î de hetê hukmatî ra wezîfe ra ameye girewtene, partîya muxalefetî ‘Vente Venezuela’ de serekîya xo dewam kena.