Roja şemeyî ra nata zaf cayanê welatî de varanêko zêde esto û rîyê laserî ra seyan banî binê awe de mendê, seyan kesî birîndar bîyê û new tenî zî merdê.
Goreyo ke vajîyeno 11 tenî zî vîndîbîyaye yê.
Zaf bajaranê herême de roja yewşemeyî ra nata varanêko xidar û vewre varena. Rîyê varanî ra zirarê can û malî zaf o.
Bajarê Batmanî de rîyê laserî ra yew dapîre pa hîrê tornanê xo binê laserî de mend û merd.
Dapîre û hîrê tornê aye ewro têkişte de ameyî definkerdiş.
Dîyarbekir de zî welatiyêk qezaya Hêni de kewt verê laserî û merd.
Çolîg û qezaya Darahênî de zî laser
Çolîg de rîyê vewre û varanî ra 2 otobusê raywanan qelibyay û 22 kesî birîndar bîyê.
Darahênî de zî qatê cêrî binê awe de mendê û pîyê pir awe.
