Serekîya Îdareyê Afet û Halanê Lezgînan (AFAD) eşkera kerd ke Xarpêt, qezaya Baskîlî de erdlerzo bi girdîya 4.7yî ame meydan.
Goreyê beyanatê Dayîreyê Erdlerzî yê AFADî, erdlerz saete 20:27 de qeyd bi. Erdlerz, 9.85 kîlometre binê erdî de ame meydan.
Bajaranê dormeyî de zî ame hîskerdene
Erdlerz, merkezê bajarê Xarpêtî, Meletî, Amed û qezayanê dormeyî de zî ame hîskerdene. Semedo ke erdlerz nêzdîyê rîyê erdî bi, zede ra ame hîskerdene.
Ame vatiş ke dimayê erdlerzî welatî vejyayê kuçeyan. Goreyê tesbîtanê verênan, heta nika zerarê can û malî nêameyo îxbarkerdiş. Ekîbê AFAD û sazîyanê eleqedaran, herême de dest bi kontrol û cigêrayîşanê sehayî kerdo.
Walî ra eşkerayî
Walîyê Xarpêtî Numan Hatîpogluyî dima erdlerzî hesabê xo yê Xî ser o eşkerayîyêk da û wina va: “Kefaret bo Xarpêt, goreyê kontrolanê ma yê verênan rewşêka xirabe çin a. Wa Homa welatê ma afetan ra bipawo.
