Goreyê Butçeyê 2026î yo ke Parlamentoyê Tirkîya de ame qebulkerdene, Partîya DEMî do xezîne ra 11,6 mîlyon dolar (500 mîlyon TL) pere bigîro.
Goreyê Butçeyê 2026î yo ke Parlamentoyê Tirkîya de ame tesdîqkerdiş, miqtarê hetkarîya xezîne ya seba partîyanê sîyasîyan bewlî bi. Partîya DEMî do sey hetkarî, butçeyê xezîneya Tirkîya ra 500 mîlyon lîrayê Tirkî (11,6 mîlyon dolar) bigîro.
En zaf AK Partî hetkarî gêna û mîyanê nê pancan de tewr tay zî Partîya DEMî ya.
Goreyê butçeyê neweyî, 5 partîyê sîyasî yê ke weçînayîşanê peyênan de bendê weçînayîşî vîyarnayê, do goreyê rayanê weçînayîşanê parlamentoyî yê serra 2023yan hetkarîya xezîne bigîrê.
Eke qerarê weçînayîşê verwextî (bêwextî) bêro dayene, pawîyêno ke na hetkarî vejîyo 2 qat.
Rêzkerdişê hetkarîye
Goreyê hûmara parlamenteran, AK Partî rêza yewine de ya û dima ra CHP yeno.
Hetkarîya Xezîne ya 2026î wina ya:
- AK Partî: 2,5 mîlyar lîrayê Tirkîya (58 mîlyon dolar)
- CHP: 1,5 mîlyar lîrayê Tirkîya (34,8 mîlyon dolar)
- MHP: 600 mîlyon lîrayê Tirkîya (14 mîlyon dolar)
- ÎYÎ Partî: 550 mîlyon lîrayê Tirkîya (12,8 mîlyon dolar)
- Partîya DEMî: 500 mîlyon lîrayê Tirkîya (11,6 mîlyon dolar)
