ZAZAKÎ NEWS - Çewlîgsporî û Barîkat Çewlîg pê govend û sloganan şîy amedspor vera. Amedspor siba Erzurumspor dir maç kay keno. Otobusa Amedsporî ke resa Çolîg terefdarê Amedsporî şîy înan vera û paştî day înan.
Wextê rayîrwanîya ke bi rayîrê bejayî ameyêne kerdiş, qafileyê taximî Çewlîg de semedê werdî mola da.
Amedsporî zî seba eleqeyê ke ame mojnayene, sipasê terefdaranê Çewlîgij û Zazayan kerd.
Amedsporî va: Demê rayîrwanîya ma ya deplasmanê Erziromî de, taximê ma rê eleqeyo pîl estbi. Eleqe û paştîdayîşê terefdaranê ma yê ke merkezê Çewlîgî û Kanîreş de ameyî pêser, hêz û keyfweşî da taximê ma. Ma sipasê terefdaranê xo yê ke ameybî qafileyê ma vera û paştî day ma kenê.