Cemîyetê êsîran yê Fîlîstînî eşkera kerd ke dima ke hêrişê Îsraîlî yê ke 2023 de dest pêkerdbî ra nat, di sey û pancas rojnamegerê Fîlîstînî ameyî tewqîfkerdiş yan zî destbendkerdiş. Cemîyetî da zanayîş ke çewres rojnamegerî hema zî zindananê Îsraîlî de yenê girewtene û mîyanê rojnamegeranê tewqîfkerdeyan de panc rojnamegerê cinî zî estê. Eşkerayî de ame vatiş ke 19 rojnamegerî çarçiweya tewqîfkerdişê îdarî de yê û seba hîrê rojnamegeran zî qerarê hepsê keyeyî yê bicaardene esto.
Mîyanê bicaardena tewqîfkerdişê îdarî de rayedarê Îsraîlî, bê ke sûcdarî yan zî mehkemekerdişêko resmî bibo, merdiman şenê tewqîf bikerê.
Beyanatê cemîyetî de ame vatiş ke, hêrişê Îsraîlî yê ke serra 2023î ra nat vera Gazze û herêmanê bînan ê Fîlîstînî de yenê kerdene de, di sey û şeştî (260)î rojnamegerî ameyî kiştene; nînan ra di rojnamegeran zî mîyanê zindananê Îsraîlî de weşîya xo vîndî kerde.