ZAZAKÎ NEWS - Hefteyê 28. yê Grûba 2. ya Lîga 3. ya TFFyî de 12 Bîngolspor, sehaya xo de bi Hacettepe Türk Metal 1963 Sporî reyde ame têver. Taximê Çewlîgî reqîbê xo bi netîceya 4-0î bin vist û hema 2 hefteyî mendê ke lîg biqedîyo, şampîyonîya xo kerd garantî û vejîya Lîga 2. (Lîga Diyîne).
Musabeqaya ke Stadyumê Bajarî yê Çewlîgî de amey kaykerdene de, 12 Bîngolsporî performansêko zaf xurt nîşan da. Ekîba Çewlîgî, bi paştîdayîşêko pîl ê terefdaranê xo, seha ra bi ferqêko pîl abirîya. Bîngolspor 4-0 qezenc kerd û şampîyonîya xo îlan kerde.
Dima ke musabeqe qedîya, stadyum de kêfweşîyêka pîle qewîmîya; terefdaran bi taximê xo reyde na şampîyonîye bi coşêko gird pîroz kerde. Bi seyan terefdarê ke trîbunî kerdbî pirr, maçî ra dima rijîyayî mîyanê seha.