Însîyatîfê Komelî yê Ziwanê Kurdkî, seba ke wa ziwanê Kurdkî rê statu bêro dayîş û perwerdeyîya bi Kurdkî bêra kerdiş, do bi beşdarîya 750 sazgehan Amed de eşkerayîyêke bidê.
Seba çalakîye vengdayîşê paştîdayîşî ame kerdene.
Însîyatîfê Cimatkî yê Seba Ziwanê Kurdkî eşkera kerd ke ê do bi nameyê 750 sazgeh, platform, însîyatîf û partîyan ra seba ziwanê Kurdkî yew deklarasyonêko pêroyî bidê. Seba na eşkerayîye, roja Sêşemeyî, 18ê Teşrîna 2025î de Amed de yew çalakîye yena viraştiş.
Goreyê vengdayîşê ke ameyo kerdene, çalakîye do seat 13.00 de Dormeyê MED-DERî de, peyê Nêweşxaneyê Memorîalî yê Dîclekentî - Parka Ekînî de dest pêbikero.
Însîyatîfî seba paştîdayîşî veng da şarî û wina va: "Kerem bikerê, seba ziwanê xo yê Kurdkî ma pîya vengê xo berz bikerê." Eşkerayîye de ame vatene ke beşdarbîyayîş û paştîdayîş do hêz bido waştişê azadîya ziwanê Kurdkî.
Çalakîye de do deklarasyonê bi nameyê "Waştişê Kurdan ê Seba Kurdkî" bi awayêko girseyî bêro eşkerakerdiş.