Muftî, sîyasetmedaro verîn, nuştox û cigêrayox Abdulbakî Erdoğmuşî derheqê Zazayan de kitabêkê cigêrayîşî nuşto.
Kitabê derheqê Zazayan de bi nameyê "Tarih Boyunca Mezopotamya’da Siyasi Yapı Zazalar" bi Tirkî ameyo nuştiş, 304 rîpel o û weşanxaneyê ELİPSî ra ameyo neşirkerdiş.
Abdulbakî Erdoğmuş cayêkê kitabêkê xo de vano ; " Şaro ke mîyanê herb û parçebîyayîşî de mendo rojêk rîyê erdî ser ra vîn beno. Tirkî, Farsî û Kurmancî Zazayan xo ra cîya vînenî û kenê ke înan asîmîle bikê. La xo vîrî ra kenê ke Zazayî nê erdan ser o ristimê xo vila kerdê, çirey vînî nêbenê. Zazayî ecdadê Kurdan ê herbker ê. Gere biwonî, tarîxê xo bimusî û xo aver berî. Ez hêvî kena ke, rojêk ziwan û nasnameyê xo rê wahar vejîyê."
Abdulbakîi Erdoğmuş kam o
Serra 1958î dewa Darahênî Modan de amo dinya û Eşîra Mistanî ra wo. Lîseya Îmam Hatîpî ya Diyarbekirî temam kerd û badê cû Fakulteya Îlahîyatî ya Erziromî qedînawo. Unîversîteya King Saud ya Suudi Arabistanî de perwerdeyê ziwanê Erebkî gûrêto. Badê zî sey Muftî Tirkîya de dest bi wazîfe kerdo.
Serra 1999î de Diyarbekir ra sey Parlamater şîyo Meclîs. Badê ke sîyaset caverda xo da nuştiş û warê Sîyasetê sîvîlî de falîteyanê xo rê dewam kerd. Mîyanê Platformê Sivil Siyaset de ca gûrêt. Hetanî nika çar hebî kitabê ey ameyê neşirkerdiş. Xeylê cayan rê derheqê meseleya Kurd û meseleyanê bînan ê Tirkîya de nuşteyê ey vejîyayê û hema zî nuseno.
Kesê ke biwazê kitabê ey o derheqê Zazayan de peyda bikerê eşkenê nê lînkî ser ra kitab bierînê.
