ZAZAKÎ NEWS - Afganîstan de hukmat no hewte seranserê welatî de xizmetanê înternet û telekomunîkasyonî qefelna. Bi mîlyonan kesî têkilîya dîjîtale, bankerîye û xizmetanê kamuyî yê bingeyênan ra mehrûm mendî.
Sazîyanê teqîbkerdişê înternetî NetBlocks, Kentik û Proton VPN eşkera kerd ke birîyayîş şewa dîşemeyî dest pêkerdo û seranserê roja sêşemeyî dewam kerdo. Hem xetê sabitî hem zî girêdayîşê mobîlî ameyî padayîş û şebekeyê telefonî zî nêancenê.
Na rewşe, badê ke Talîbanî destpêkê na aşme de bi bahaneyê ‘exlaq’ tewr tay 7 wîlayetan de xizmetê fîberî birna, amey meydan. O wext xizmetê mobîlî xebitîyayêne.
No birîyayîş, zaf cayan de bi sebebê astengîyanê pîlan. Goreyê BBCyî, roja dişemeyî Hewagehê Kabîlî hema hema veng bi û firdayîşî hema hema vindertî.
Goreyê daneyanê Flightradar24î, roja sêşemeyî xeylêk firdayîşî ameyî betalkerdene.
Sîteyê înternetî yê wezaretanê cîya-cîyayan ameyî girewtene, tayê kanalanê têlevîzyonî zî weşan ra kewtî. AP û AFPyî vat ke ê nêeşkayê têkilî bi buroyanê xo yê Kabîlî ronê.
