ZAZAKÎ NEWS - Serekê Demkî yê Sûriye Ahmed Şerî, qeraryarnameyo ke îmze kerd de xeylê heqê Kurdan ameyî dayîş. Goreyê qerarnameyî, nasnameyê neteweyî yê neweyî yê Sûriye sey "zafkulturî û yewbîyaye" yeno terîfkerdiş. Kurdî zî bingehê esasî ê şarî yê.
Qerarname de vajîya ke, Kurdî parçeyêko yewbîyaye yê cimatê Sûriye yê. Madeya yewine ya rêziknameyî de ame vatiş ke Kurdî "parçeyêko bingeyên û muhîm" ê şarê Sûriye yê.
Ziwanê Kurdkî sey ziwanê neteweyî ame qebulkerdiş
Bi qanunê newî, ziwanê Kurdkî kişta ziwanê Erebkî de statuyê "ziwanê neteweyî" bi dest vist. Goreyê ney, perwerdeyê Kurdkî herêmanê ke nufusê Kurdan tede zaf o de, mektebanê dewlete û yê xusûsîyan de bi awayêko fermî destûr dîyeno.
Roşanê Newroze do bibo roşanêko pêroyî
Bi qerarnameyî, roşanê Newroze yê 21ê Adare, ke sey "sembolê wisar û brayîye" yeno pîrozkerdiş, sey roşanêko neteweyî ameyo îlankerdiş. Nika ra pey, Roşanê Newroze do seranserê Sûriye de sey roşanêko fermî bêro fîrazkerdiş.