ZAZAKÎ NEWS- Polîsê Pakistanî aşkere kerd ke, netîceyê hêrişanê çekdaran de, mîyanê di rojanê peyênan de nezdîyê 20 kesî ameyê kiştiş.
Rayedarêko berz ê polîsê Pakistanî Ajansê AFPyî rê va ke mîyanê 48 saetanê peyênan de, qezayanê cîya-cîyayan ê Eyaletê "Xeyber Paxtunxwa" de, netîceya hêrişanê terorîstan de 15 polîs û 4 welatîyanê sîvîlî kişîyayê. Ame eşkerakerdiş ke 2 efserê polîsan hetê çekdaran ra ameyê remnayîş û heta nika aqîbetê înan bellî nîyo.
26 çekdarî ameyî kiştene
Vera nê hêrişan, artêşa Pakistanî va ke operasyonanê înan de 26 çekdarî ameyê kiştiş.
Hukmatê Pakistanî bi hawayêko resmî Talîbanê Afxanistanî sûcdar keno.
