ZAZAKÎ NEWS - Komeleya Rojnamegeranê Dîcle Firatî û Komeleya Rojnamegeranê Cinîyan ê Mezopotamya Amed de seba Roşanê Rojnamegerîya Kurdkî beyanatêk da û programêk viraşt.
Rojnamegerê ke arayî de amey têhet, aşkere kerdî ke medya û çapkerdişê Kurdkî hîna zî binê zextan de weşanayîşê xo domneno. Program de vajîya ke rojnameya verêne hetê Miqdad Midhet Bedirxanî ra, paytextê Misrî Qahîre de, 22ê Nîsana 1898î de çap û vila bi. No tarîx nika sey “Roşanê Rojnamegerîya Kurdkî” ameyo qebulkerdiş. Emser Cafe Tac Mahal de bi beşdarîya zaf rojnamegeranê Kurdan ame pîrozkerdiş.
Aşkere bi ke keyeyê Bedirxanan ra Miqdad Midhet Bedirxanî 128 serrî verî bi vejîyayîşê hûmara verêne, hîmê rojnamegerîya Kurdkî nayo ro.
Rojnameya Kurdistanî di ziwanan (kurmanckî û tirkî) ser o weşan kerdê û rûpelanê aye de xebatê miletê kurdî estbî. Mabênê serranê 1898-1902yî de pêro pîya 31 hûmarî vejîyay. Hûmarê verênî paytextê Misirî de vejîyay, labelê dima ra seba zextanê Dewleta Osmanî xebatê weşanayîşî Cenevre û paytextanê bînan ê Ewropa de dewam kerd.
