Temsîlkarê Amedî Amedspor, hefteyê 10. yê Lîga 1. ya TFFyî de, Stadyumê Umranîye yê Îstanbulî de Serîkspor dir ame têver. Amedspor no hewte bi rayberîya teknîk dîrektoro Dêrsimij Sînan Kalogluyî vejîya seha û 2-1 qezenc kerd.
Amedsporo ke bi 11anê Erce, Murat, Mehmet Yeşîl, Uğur Adem, Hasan Alî Kaldirim, Aytaç Kara, Sînan, Dîa Saba, Çekdar Orhan, Traore û Dîagneyî dest bi maçî kerd, nîmeyê verênî de zor da ke serbikewo. Her di hetî bi netîceyê 0-0î şîyî odeyanê xo.
Amedspor nîmeyê dîyînî de lez dest pêkerd, deqîqeya 57. de kewt aver. Mbaye Dîagneyî şutê Hasan Alî Kaldirimî temam kerd û taximê xo 1-0 berd vernî.
Serîksporî deqîqeya 68. de bi golê Gokhanî seypeyîye tepişte. La Amedsporî pes nêkerd; deqîqeya 87. de Dîagneyo ke reyna vejîya sehne, bi yew pirodayîşêko weş tope erşawite qele û serkewtiş arde taximê xo.
Amedsporo ke binê rayberîya Sînan Kalogluyî de vejîya maçê xo yê verênî, bi nê netîceyî pûanê xo kerdî 19.