ZAZAKÎ NEWS
Amedsporî seba ke paştdayîşê terefdaranê xo bimojno û ekonomîya xo xurt bikero, kampanyaya SMSî ya bi nameyê "Ma çend kes ê?" da destpêkerdiş.
Terefdarî eşkenê bi "2139"î paştî bidê taximê xo.
Goreyê eşkerayîya klubî, tereftarî eşkenê heme operatoranê GSMî ra "AMEDSPOR" binusê û 2139 rê bişrawê. Bi no qayde ê do paşt bidê klubê xo.
"Ma keyeyêko pîl ê"
Eşkerayîye de ame vatene ke her SMS hem feydeyê madî dano klubî, him zî hêzê pîlî yê camîaya Amedsporî mojneno ra.
Klubî bawerîya xo arde ziwan ke tereftarî do eleqeyêko pîl nîşanê kampanya bidê û eşkerayîye wina qedînaye: "Cewabê persê 'Ma çend kes ê?', do reyna îsbat bikero ke bi têkoşînê saha û coşê trîbunan, ma keyeyêko çiqas pîl ê."