ZAZAKÎ NEWS - Federasyona Futbolî ya Tirkîya (TFF), seba vîdeoyê ke hesabê medyayê sosyale de ame pare kerdene, Kulûbê Amedsporî rê 802 hezar TL cezaya pereyî, Serekê Kulûbî Nahît Erenî rê zî 15 rojî cezaya mehrûmîyetê heqî birnabî.
Temsîlkarê rêxistinanê cimatê sîvîlî yê ke vizêr Amed de ameyî pêser, vera na cezaya neheqe dest bi kampanyaya paştîpêdayîşî kerd. Amedsporî zî seba kampanyaye adresê bexşî (îban û sîteya înternetî) eşkera kerd.
Beyanatê Amedsporî no yo:
"Sazgehanê meslegî û cimatê sîvîlî yê şaristanê ma, aşkere kerdbî ke semedê Kulûbê ma kampanyaya paştîpêdayîşî dayê dest pêkerdiş.
Semedo ke kampanya û kerdişê bexşî rê eleqeyêko zêde esto, ma waşt yew malumatî bidê.
Kesê ke wazenê bexşê madî bidê Kulûbê ma, eşkenê adresê 🌐 www.amedspor.com.tr de qismê “Bexş Bike” ser o, bi awayêko ewle û lez bexşê xo bikerê.
Ma wazenê na mesela de malumat bide terefdaranê ma yê ke wazenê bexşê neqdî bidê Kulûbê ma."