Amedsporî seba xurtkerdişê ekonomîya xo, Forum AVM de magazaya xo ya çarine akerd. Rayberanê kulubî veng da terefdaran ke wa formayanê korsanan nê, ê lîsansinan bigîrê.
Dima ke Ceylan AVM, Sûr û Stadyum de Amedstore amey akerdene, magazaya çarine zî Forum AVM de bi merasîmêk ameye akerdene. Merasîmê akerdişî rê Serekê Amedsporî Nahit Eren, Serekê Odaya Tîcaret û Senayî (DTSO) Mehmet Kaya, Hemserekê Şaredarîya Peyasî û zaf mêmanî tewrê ci bîy.
"Korsan nê, Orîjînal"
Merasîm de Serekê DTSO Mehmet Kaya, Hemsereka Peyasî Berîvan Gulşene û Endamê Heyetê Rayberî Nedim Dalga qisey kerd. Qiseykerdoxan bale ante muhîmîya magaza ser û seba ke Amedspor hetê madî ra xurt bibo, veng da terefdaran:
"Formayanê korsanan nê, lîsansinan bigîre."
Akerdiş de bale ancîyaye maçê Esenler Eroksporî yo ke do roja Îneyî bêro kaykerdene ser. Rayberan waşt ke camîya bibo yew û taximî tenya nêverdo.