JINNEWSî çeteyeleya şîdetî ya aşma Êlule eşkera kerde. Goreyê çeteyele; 19 cinîyî û yew tute ameyî qetilkerdiş û 21 cinîyî û yew tute zî bi hawayêko bişik merdî.
Goreyê daneyan, zafê cinî hetê camêrdanê nêzdîyanê xo ra ameyê qetilkerdiş. 3 cinîyî hetê mêrdeyanê xo yê ke qonaxê cîyabîyayîşî de bîyî, 2 hetê camêrdanê ke ci ra cîya bîbîyî, 2 hetê nasanê xo, yewe hetê vistewreyê xo, 3 hetê mêrdeyê xo, 2 hetê tutanê xo, yewe hetê nîşanlîyê xo, yewe hetê tornê xo, yewe hetê cîranê xo û yewe zî hetê camêrdêkî ra ameye kiştiş.
Dewam de ame vatiş ke nê cinîyan ra 3 Anqara de, 3 Afyon de, yewe Îzmîr de, 3 Kocaelî de, yewe Antalya de, 2 Denîzlî de, yewe Osmanîye de, yewe Stenbol de, yewe Mûgla de, yewe Samsûn de, yewe Zonguldak de û yewe zî Dîlok de ameya qetilkerdiş.