Platformê Vindarnayîşê Cinayetê Cinîyan raporê xo yê aşma Temmuze eşkera kerd. Rapor de ame vatiş ke Temmuze de 31 cinîyî ameyî kiştiş û 30 cinîyî zî bi hawayêko şikdar merde ameyî vînayîş.
Rapor de ame vatiş ke 31 cinîyanê ke ameyî kiştiş ra 11 kesî bi behaneyanê sey 'waştişê cîyabîyayîşî', 'redkerdişê aştbîyayîşî', 'redkerdişê zewajî' û 'redkerdişê têkilîye'; 4 kesî zî bi behaneyanê ekonomîkan ameyî kiştiş. Ame vatiş ke sebebê kiştişê 16 cinîyan tesbît nêbîyo.
Rapor de ame eşkerakerdene ke menga Temmuze de 31 cinîyan ra;
8 hetê mêrdeyê xo ra,
5 hetê camêrdê ke pîya bîyê ra,
4 hetê mêrdeyê xo yê verênî ra,
4 hetê merdimanê xo ra,
3 hetê mêrdeyê xo yê verênî ra,
2 hetê yew nasê xo ra,
2 hetê birayanê xo ra,
1 hetê lajê xo ra, û
1 zî hetê pîyê xo ra ameyî kiştiş.