Lîga 1. ya Trendyolî de Amedsporî hefteya 15. de Esenler Erokspor kerd mêman.
Maç seba tereftaranê Amedsporî zaf manîdar bi. Tereftaran verê maçî, seba Serekê Baroya Amedî Tahir Elçiyo ke 10 serrî verê cû amebi qetilkerdene, pankartêko pîl akerd. Pankarto ke resmê Elçiyî ser o bi, tede "Ma do aştîya komelkî de to bidê ciwîyayene" nusîyabi.
Poko û Diagne sahne de bîy
Esenler Erokspor nêmeyê verênî de bi golê Mikail Okyarî 1-0 vernî de qedînaye. Labelê Amedsporî nêverda.
Deqîqaya 78. de Poko vejîya sahne û gola taximê xo eşt 1-1. Deqîqaya 87. de hakemî qerarê penaltî da û Mbaye Diagne şi ser tope û Amedspor 2-1 kewt vernî.
Bi nê serkewtişî Amedsporî puanê xo vet 29 û reqîbê xo Erokspor 28 puan de verda.
