Ekîbanê Mudirîya Şûbeyê Trafîkî ya Serekîya Daîreya Zabita, bi amancê ke wendekarî bi emnîyet û weşî biresê dibistananê xo, servîsanê dibistanan de kontrol kerd. Xebatan de ke seranserê şaristanî de servîsanê dibistanan gênê xo mîyan, ekîban tabelaya “vinde”, nuşteyê “Erebeya Dibistanî”, qayîşê emnîyetî, parçeyê zereyî û lastîkê erebeyan kontrol kerdî. Munasibîya erebeyan a şertanê Rêziknameyê Erebeyanê Servîsê Dibistanan zî bi detay ameye cigêrayene.
Kursîyê zêdeyî û wendekarê payra ameyî dîyarkerdene
Kontrolan de ame dîyarkerdene ke tayê erebeyanê servîsan de, VERA mewzûatî kursîyê zêdeyî est ê. Ney ra teber erebeyê ke kapasîte ra zêde û payra wendekarî berdêne û ruxsatê xo newe nêkerdbî zî ameyî dîyarkerdene. Ekîban seba îhlalan zabitnameyî amade kerdî û derheqê erebeyanê eleqedaran de muameleyê qanûnî ame destpêkerdene.
Kontrolê plakaya S zî yenê kerdene
Kontrolan de şertanê teknîkî û fîzîkîyan ê erebeyan ra teber, plakaya S zî yena kontrolkerdene. Ekîbî cigêrenê ke erebeyanê servîsan de destûr û ruxsatê hewceyî est ê yan çin ê; munasibîya plakaya erebeyan ke sey servîsê personelî yenê xebitnayene zî kontrol kenê.
Kontrolê ke hetê çar ekîb û 18 personelan ra yenê ramitene, do seranserê şaristanî de heme servîsanê dibistanan bigîrê xo mîyan û dewam bikerê.
