Dêrsim de projeya madenî ya ke bîbî sebebê razînêbîyayîşê şarî, amey vindarnayene.
Plan kerdêne ke dewa Qerebegan (Karabakır) a qezaya Xozatî û dewanê Dorutay, Ardiç û herêma Orcanî ya Pêrtage de, 2 hezar û 200 donim erdî ser de "Kanaya Ponz û Qumî" bêro viraştene. Labelê bi hewldanê Walî Şefik Aygolî, na proje amey betalkerdene.
Mijdanî Cemxane de amey dayene
Walî Aygolî, zîyaretê Cemxaneyê Ağuçanî (Seyîd Mençek) de şarî reyde ame têlewe û qerarê betalkerdişî aşkera kerd.
Aygolî da zanayene ke ey Wezaretanê eleqedaran reyde qisey kerdo û va: "Ma muhîmî danê xozaya Dêrsimî û telebanê şarî. Coka ma qerar da ke na proje bêro betalkerdene. Ma do herême de xebatanê pawitişê xozaye bidomnê."
