ZAZAKÎ NEWS - Organîzasyonê NextGen Kurdî ke merkezê ci Amed de yo, seba ciwananê Kurdan xebatanê xo domneno. Forumê ciwanan ê hîreyîn (Forûmên Ciwanan 3) nika zî bi ziwanê Zazakî (Kirmanckî) amade bîyo. Sloganê nê forumî sey "Tewrê Ma Bibê û Vengê Xo Ma Reyde Berz Bikerê" ameyo kerdene.
Mesele: Antişê tîryakî û çareserîyî
Babetê forumî meselaya tîryakbîyayîşî ya ke ciwanan mîyan de zêde bîya ser o, yo. Forum de bi sernameyê "Tiryakbîyayîşê Maddeyan: Gelo Remayîş o, Sitargeh o, Yan Qîrînayîş o?" munaqeşeyî û erjanayîşî yenê kerdene.
Panelîst û pisporî
Beşdarê forumî sîyasetmedar û pisporê nê warî yê:
Fatma Gulan Önkol: Hemsereka Şaredarîya Sûrî
Cemile Turhallı: Avûkate - Sîyasetmedare
Murat Burtakuçin: Psikolog / Hemserekê Der-Mezî
Serhat Temel: Temsîlkarê SAMERî
Moderatör: Gülçin Şanlı
Tarîx û Ca
Çalakîye roja 23yê Adara 2026ine (Roja Dişme) de, mabênê saetanê 18:00 – 20:00 de Merkezê Kultur û Kongreyî yê Sezaî Karakoçî (ÇandAmed) de virazîyena.
