ZAZAKÎ NEWS — Ronayoxanê AKPî ra, Wezîrê Kultur û Perwerdeyî yo kehen Hûseyin Çelîkî ra yew vengdayîşêko muhîm ame kerdene. Çelîkî waşt ke nameyê şeristanê Dêrsimî peyser bîdîyo ci û hêsabê xo yê medya sosyale ra wîna va:
"Hadîseyê Dêrsimî yê ke 4ê Gulana 1937î de bî qerarê 'Harekâtê Tenkîlî yê Tuncelî' dest pêkerdî û heta peynîya 1938î dewam kerdî, vîrê ma de bîyê dejê xorînî. Her çiqas ser ra zaf serrî derbaz bîyî, dejê ke ameyî antiş hema zî vicdanê komelî de cayê xo pawenê.
Ewro gereke çi bîyaro kerdîş; kitabanê dersan de ca bîdîyo raştîyanê tarîxîyan, seba ozro ke ameyo wastîş gereke îadeyê rûmetî bîbo û nameyê Tuncelî bibo 'Dêrsim'."
