Qezaya Erxenî ya Diyarbekirî de, munaqeşeyo ke keye de vejîya, bişîdet qedîya. Zama M.K., bi çek vistewreyê xo (pîyê cinîya xo) M.C.T. û birayê cinîya xo M.T.î kiştî. Derheqê hedîse de 6 kesî ameyî girewtiş.
Hedîse, Dewa Canverenî ya Erxenî de vizêr şewe qewimîya.
Ame zanayîş ke zama M.K. û vistewreyê ci M.C.T. û birayê cinîya ci M.T., sebebêkê nêzanayî ra munaqeşe kerd. Munaqeşe pîl bi, M.K.yî bi çeko ke tede bi, na M.C.T. û M.T.yî ra.
Pî û laj nêxelisîyayî
Xeberdayîşî ser o, ekîbê weşîye û cendirmeyî şîyî cayê qewimyayîşî. Pî û lajo ke giran birîndar bîbî, ameyî berdene bi nêweşxane la pah eme midaxeleyan nêameyî xelisnayîş û merdî.
6 kesî ameyî girewtene
Ekîbanê cendirmeyî demêko kilm de xebatêka hîra da dest pêkerdiş û zama M.K. tepîşt. Operasyonan de 5 kesê bînî ke elaqeyê înan bi hedîse esto zî ameyî tepştiş. Kar û barê 6 şildaran dewam keno.
