Hunermendê Zazakî/Kirmancî Mikaîl Aslanî, hesabê xo yê medyayê sosyale ra mesajêk da û serkewtişê xo yê hunerî pare kerd.
Aslanî va "Serra 2025 de ma resay 14 mîlyon goşdarîkerdoxan", wina dewam kerd:
"Ez çiqas teşekur bikeri kêmî yo, ez mînetdar a. Ez nêzana ma çend mîlyon kesî mendê ke Kirmancî/Zazakî fam kenê yan zî qisey kenê, la ma bi albumê 'Çem Vano' resay 300 mîlyonî. Ziwanê çend mîlyonan, kewto zerrîya 300 mîlyon kesan."
"Mi herkes ef kerd"
Aslanî bale ante demê destpêkerdişê hunerê xo ser û va: "Wexto ke mi kilamê xo yê verênî vatî; kesê ke ez fam nêkerdêne, ez şikitêne û ez qij dîyêne, mi heme efû kerdî. Roja ke ez kewta rayîr ra heta ewro, sozê ke mi dabi xo, ez ci ser o menda û ez resay hedefê xo."
Aslanî mesajê xo wina qedîna: "La teşekurê mi yo tewr pîl, ê kesan rê yo ke wexto ke ez hema destpêk de bîya mi rê bawer kerd. Ez qet înan xo vîra nêkena!"
