Taximê Fûtbolî yê Amedî Amedspor siba şino kongre û roja peyêne aşkere bîyo ke Azîz Elaldı do bibo serekê Kûluba Amedsporî.
Serekê Heyetê Mişewreyî yê Amedsporî Burç Baysalî ewro aşkere kerd ke, înan nameyê Aziz Elaldı ser o pêkerdo.
Aziz Elaldı zî beyanatêk da û va; "Ez hêvî kena ke serra 2023-2024î serrêka weş bo semedê Amedsporî. Ez do Amedsporê ma rê xizmet bikî. Wa kûluba ma rê xeyrîn bo.
Kişta bîne ra Serekê Odaya Sanayî û Bazirganî yê Amedî Mehmet Kaya zî vano "Ez desteg dana karsazo ercaye Azîz Elaldı û ci rê serkewtiş wazena "
Azîz Elaldı eslê xo mintiqaya Musyanî ya Çolîgî ra yo Dîyarbekir de wayîrê fîrmaya Azel Înşaatî yo û Zaza (Kird) o. Hetêk ra zî serekê Komela Dîmderî yo û Dîyarbekir de kesêko yeno şinasnayîş û heskerdiş o.
Zazakî News
