ZAZAKÎ NEWS - Wezîrê Karanê Teberî yê Fransa Jean-Noël Barrot, çarçeweyê zîyaretê xo yê herême de, Hewlêr de bi Serekê Herêma Kurdîstanî Nêçîrvan Barzanî û Fermandarê Hêzanê Sûrîyeya Demokratîke (HSD) Mazlum Ebdî reyde pêvînayîş kerd.
Barrot, dima ke Nêçîrvan Barzanî reyde pêvînayîş kerd, bi Fermandarê QSDyî Mazlum Ebdî, Hemsereka Ofîsê Têkilîyanê Teberî yê Rayberdoxîya Vakurê Sûrîye Îlhame Ehmed û Fermandara Pêroyî ya YPJyî Rohilate Efrîn reyde ame têhet.
Pîyameyîşê HSD-Şam
Serekîya Herêma Kurdîstanî zî derheqê pêvînayîşê mabênê Nêçîrvan Barzanî û Mazlum Ebdî de eşkerayîyêke da. Goreyê eşkerayî, “averşîyayîşê sîyasî û sehayî yê peyênî yê Sûrîye û pîyameyîşê mabênê hukmatê Sûrîye û HSDyî” ser o ameyo qiseykerdiş.
Barrot: Ganî Sûrîye de heqê Kurdan bêrê pawitene
Barrotî, kombîyayîşê çapemenîye yê Hewlêrî de nê îfadeyî xebitnayî:
“Ma paştî danê pawitişê heqanê Kurdan û entegrasyonê hêzanê înan ê leşkerîyan. Senî ke Iraq de heqê Kurdan yenê pawitene, ma eynî paştî danê ke Sûrîye de zî heqê Kurdan bi garantîya qanûnê bingeyênî (destûrî) bêrê pawitene. Ganî Kurdî dewlete û hukmatê Sûrîye de zî bibê perçeyêko aktîf.”
