Pêvînayîşê Îstanbûlî de mesajê aşîtî û îstîqrarê herême ameyî dayîş. Hukmatê Herêma Kurdîstanî eşkerayîyêka nuştekî da û îfade kerd ke Serekkomar Erdoğanî seba rolê aşîtî û îstîqrarî yê Mesûd Barzanî û Herêma Kurdistanî sipas kerdo.
Mesrûr Barzanî zî Tîrkîya yrê sipas kerd û va ke ê wazenê koordînasyonê mabênê her di hetan hîna xurt bîkerê.
Goreyê agahîyan, her di hetan derheqê ronayîşê hûkûmatê neweyî de zî qisey kerd. Înan waşt ke hûkûmatê neweyî yê Herêma Kurdistanî semedê aşîtîya welatî xebat bîkero û meseleyê mabênê Herêma Kûrdîstanî û hûkûmatê federalî goreyê qanûnê Iraqî bêrê çareserkerdiş.
Yewna mesela muhîme ya pêvînayîşî zî çekveradayîşê PKKî û prosesê aşîtîye bîye. Mesrûr Barzanî va ke ê paştî danê nê prosesî. Serekkomar Erdoğanî zî îfade kerd ke serkewtişê nê karî seba heme herême zaf muhîm o.
Mêsrûr Barzanî dima pêvînayîşî va: “Ma Qesra Dolmabahçê de Serekkomar Recep Tayyîp Erdoğanî reyde ameyî têhet û ma seba xurtkerdişê têkilîyanê mabênê Tîrkîya û Herêma Kûrdîstanî qisey kerd.”
