ZAZAKÎ NEWS - Bernameyê Festîvala Kultur û Xozaye ya Mûnzûrî yo 23. ke Dêrsim de virazîyeno, ame eşkerakerdene. Festîvale do 24ê Temmuze de dest pêbikera û 27ê eynî aşme de biqedîya. Festîvale, hetê Platformê Emeg û Demokrasî yê Dêrsimî ra bi sloganê "Dêrsim Cuye yo; Destê Xo Mene Xoza, Îrade, Ziwan û Bawerîya Mi" yena viraştene.

Bernameyê festîvala emserrî, bi yew kombîyayîşê çapemenîye Odeyê Bazirganî û Snayî yê Dêrsimî de ame parekerdene.

Serekê Federasyonê Komeleyanê Dêrsimî (DEDEF) Alî Riza Bîlîrî eleqe ant muhîmîya festîvale ser o û waşt wa paştî bidîyo ci.

Bername, hetê Hemsereka Şaredarîya Dêrsimî ya verêne Bîrsen Orhane ra ame eşkerakerdene.

Bernameyê Festîvala Kultur û Xozaye ya Mûnzûrî wina yo:

24ê Temmuze

  • 11:00: Meydanê Seyîd Rizayî de qiseykerdişê akerdişî, pêşwazîya bi dehol û zirne (Varvara Sîlmanû).
  • 12:30: Qisle de zîyaretê Duzgin Babayî.
  • 15:00: Kuçeyê Hunerî de kursîyo serbest seba panelê ciwanan.
  • 16:00: Dewa Pîlemerîye Hacilîye de bernameyê yadkerdişî.
  • 18:00: Kuçeyê Hunerî de konserê koma folklorî ya Veradardzî.
  • 18:30: Kuçeyê Hunerî de vera pawitişê îradeyî rayraşîyayîş.
  • 19:00: Parka Mamekîye de konser (Hunermendî: Dîlan Top & Erkan Top, Erdogan Emîr, Kadîr Çat, KASED Cinî û Zelemele).

25ê Temmuze

  • Qezayan de vera talanê xozaye çalakî û zîyaretî.
  • 19:00: Kuçeyê Hunerî de bi ziwanê dayîke sanikî.

Pilûr

  • 11:00: Zîyaretê Mûnzir Babayî.
  • 12:30: Zîyaretê Cevîzlîdere û eşkerayîya çapemenîye.
  • 16:00: Merkezê bajarokî de panel: "Madencîlîx, Rijnayîşo Ekolojîk û Talanê Xozaye".
  • 18:30: Verê şaredarîye de koroyê domanan bi serkêşîya Behzat Fîrîkî.
  • 19:00: Verê awanîya şaredarîye de konser (Hunermendî: Cîhan Pîr, Erdogan Emîr, Grup Ahudem, Grup Avesta, Nûrettîn Guleç, Ûfûk Coşkûn, Bulent Renklî).

Xozat

  • 10:00: Parka Cem Emîrî de atolye û muzîk seba kayanê domanan.
  • 12:00: Meydanê Cumhuriyetî de mojnayîşê folklorî, dehol û zirne.
  • 13:00: Merkezê Kulturî yê Hasan Saltikî de Şanoyê Dofî (Seba domanan).
  • 16:00: Merkezê Kulturî yê Hasan Saltikî de panel: "Koyanê Kazî ra hetanî Deryayê Sîyayî, Deryayê Sîyayî ra hetanî Dêrsimî talanê ekolojîye".
  • 18:00: Kuçeyê Cumhuriyetî de rayraşîyayîş: "Destê xo meerne xoza, awe û axa mi".
  • 19:00: Meydanê Cumhuriyetî de konser (Hunermendî: Zeynep Bakşî Karatag, Yilmaz Çelîk, Ozan Serdar, Delîl Hûsî-Huseyîn Guneş, Mehtap Dûrna û Şenol Akdag).

26ê Temmuze

  • 11:00: Kuçeyê Hunerî de panel: 'Elewîtîya Îslamî, asîmîlasyon û metodê tekoşînî'.
  • 13:30: Kuçeyê Hunerî de panel: 'KHK, Sirgûn û Averşîyayîşê Sîyasî'.
  • 15:30: Kuçeyê Hunerî de panelî derheqê problemanê cinîyan de.
  • 17:00: Kuçeyê Hunerî de performanso şanoyî.

27ê Temmuze

  • 12:00: Kuçeyê Hunerî de panel: "Madencîlîx, Kedxwarîya Derûdorî û Rijnayîşo Ekolojîk".
  • 15:00: Kuçeyê Hunerî de panel: "Averşîyayîşê Rojhelatê Mîyanênî, Persa Kurdan, Aştî û Çareserîya Demokratîke".
  • 16:00: Parka DSÎ de çalakîya domanan bi serkêşîya Gerok MA.
  • 18:00: Kuçeyê Hunerî de rayraşîyayîşê derûdorpawitiş.
  • 19:00: Konser (Hunermendî: Pinar Aydinlar, Semîh Kavramak, Golge, Kadîr Demîr, Berfîn Işik û Civan Adar).

Pêrtage (Pêrtag)

  • 14:00: Sekasûrî de forum: 'Ma do îzn nêdê Madencîlîxî'.
  • 19:00: Konser (Hunermendî: Yilmaz Çelîk, Enver Çelîk, Baran Goç, Dîlan Top & Erkan Top, Hêlîn, Gursel Ekîcî).