Komeleya Kultur, Hetkarî û Averberdişî ya Gêxî, Dep, Azarpêrt, Xorxol û Çêrme (KAYY-DER) qezaya Beykozî ya Îstanbulî de Festîvala Boreka Kurdan a 6ine tertîp kerde.
Xeylê sîyasetmedarî û temsîlkarê sazîyanê sîvîlan ameyî festîvale. Bi taybetî gede û cinîyan eleqeyêko pîl mojna festîvale ra.
Festîvale bi deyîran dest pêkerde, dima zî beşdaran rê boreka kurdan ame vilakerdiş.
Hemsereka KAYY-DERî Bîlsene Ozdogan festîvale de qisey kerd û vat: ''Ma kenê ke vera asîmîlasyonî kulturê xo bipawê. KAYY-DER bi têkoşînê xo keno ke paştdayîşê şarî bizêdîno. Ma heta peynî hetê haştîye de yê. Ma xoverdayîşê cografyaya Kurdîstanî teqîb kenê. Ma est ê û do est bê.''
Festîvale de hunermendî Alîcan Bîlgin, Mervan Tan, Cahît Şer, Ufuk Yilmaz û Koma Cinîyan a KAYY-DERî vejîyayî sehne ser. Festivale de Teatra Evîn Welat zî vejîyaye sehne ser.
Festîvale pê govendan qedîya.
