Goreyê melumatî, hedîse qezaya Melîkgazî ya Kayserî de, Taxa Selîmîye, Kuçeyê Ortahîsarî de qewimîya. R.A.yî, seba qiseykerdişî venga cinîya xo Rabîa A. da. R.A.yî, bi kardîya ke tedir bî, da Rabîa A. ro.
Xeberdayîş ser o, cayê hedîseyî rê ekîbê polîsan û weşîye ameyî şawitiş. Ekîbanê weşîye mudaxeleyê xo yê verênî de tesbît kerd ke Rabîa A. cayê hedîseyî de cuya xo vîndî kerda. Ekîbanê polîsan dormeyî de tedbîrê ewleyîye yê hîrayî girewtî.
Şikdar R.A.yo ke dima hedîseyî remabi, hetê ekîbanê polîsan ra ame tepiştiş. Cenazeya Rabîa A. dima cigêrayîşî wedarîya morgê nêweşxaneyî. Derheqê hedîseyî de tehqîqat dewam keno.