Çolîg de onca varrayîş ver laser wurişt û xeylê cayî binê awe de mendî.
2 hewte verê cû Çolîg de varayîş ver mîyanê sûke binê awe de mendbî û şar mexdûr bibi.
Şewa bîne zî newe ra varite ver û Sîteya Sanayî de hema vaje pêro dikanî binê awe de mendî. Çamûro ke koyan ra ame zî qelibya mîyanê sûke û her ca bi letom.
Esnafê dikananê Sîteya Sanayî ya Qije pê îmkananê xwu kerd ke dikananê xwu pak bikerî.
Heto bîn ra Vîyadukê Çapaxçurî ke hema newe ameyo viraştiş zî hem ser ra hem bin ra binê awe de mend. Wesayîtê ke ser de bî nêeşkê xwu bileqnê û pê saetan uca de mendê.
Ekîbê Beledîya Çolîgî ke midaxeleyê laserî kerd nêeşkê heq ra vejyê. Ne hetê teknîkî ra ne zî hetê zanayîşî ra kêmanîya ekîban estbî û şar na hewe zî pê îmkanê xo eno felaket zî vîyarna.
Şarê Çolîgî vano: "Binesazîya şaristanî zixm nîya û varayîşêko normal de her ca binê awe de maneno. Semedê laserî tîya de tu tedbîrêk nêameyo girewtiş. Hukmat tîya ra destegê xwu gêno la tîya rê ximzetêk nêkeno."
