Unîversîteya Çolîgî de kontejanê 30 kesan ke semedê Edebîyatê zazakî amebi dayîş debîyo û 30 hebî wendekarî do beşê Edebîyatê Zazakî de biwanê.
Emser îmtîhanê YKSyî ra dima wendekarî tercîxê xo dayê û ame mûsayîş ke Unîversîteyan de Beşê Edebîyatê Zazakî rê eleqe zêde yo.
Akademîsyen Murat Varol o ke Unîversîteya Çolîgî de wazîfe keno, aşkere kerd ke, kontejano ke semedê Zazakî ameyo dayîş debîyo û yew wendekaro ke YKSyî ra 438 pûanî girewtî zî beşê Edebîyatê Zazakî terxih kerdo.
Murat Varol vano; “Unîversîteya Çolîgî de semedê 30 kesan kontejan amebi dayîş û 30 hebî wendekarî tercîxê xo kerdê. Yew wendekar zî teber de mendo. Yew wendekarê ma ke YKSyî ra 438 pûanî girewtî zî Beşê Edebîyatê Zazakî tercîx kerdo. Nika wendekarî qeydê xo virazenî û yenî lîsansê Zazakî wazenî.”
Zazakî News
