ZAZAKÎ NEWS - Hedîse, goletê awe yê heyranê Sîwanî yo de, vîzêr ame meydan. Goreyo ke ame zanayîş, Metin Çağlayano 13 serre di hevalanê xo dir şi golet. Lajê ke seba honikbîyayîşî kewtbi golet, înan ra Metin Çağlayan demek ra dima awe de şi û vîndî bi.
Bi xeberdayîşê keyeyî ra dima ekîbê cendirme û AFADî amey herêma qewimyayîşî. Ekîbê ke wextê şewe de resay uca, dest bi gureyê geyrayîşî kerd.
Ekîbî demêkê kilmî de resay uca, wextê sibayî saete dorê 05.00î de uca ke embazanê Metin Çağlayanî nîşan dabî, bine awe geyrayîş kerd. Bi na xebate ra dima tirmê lajê 13 serre ame vînayîş.
Cenazeyê Metin Çağlayanî, seba muameleyanê otopsî wedarîya morgê Nêweşxaneyê Dewlete yê Dara Hênî. Derheqê hedîse de tehqîqat ame destpêkerdiş.