Nobeta konan ke hetê Meclîsê Ciwanan ê Platformê Ekolojî yê Gimgimî ra vera projeyê JESî yê Dewa Xwarikî ame destpêkerdene, dewam kena. Warê çalakî de mesajê "Ma xozaya xo, bawerîya xo û ameyoxê xo pawenê" û "Xoza ya şarî ya, yê şîrketan nîya" vernî de bî.
Meclîsê Cinîyan ê Platformê Ekolojî yê Gimgimî seba serrgêra Qanûnê Madenan ke 24ê temmuze 2025î de ame caardene eşkerayîyêk daye û ard ziwan ke qanûnî talankerdişê xoza lez kerd.
Eşkerayîye de ame vatene ke warê merge, hewza awe û warê cuye yê Gimgim û dorûverê ci bi projeyanê enerjî û madenkarî binê tehdîdî de yê: "Ma do nêverdê ke xozaya ma û warê cuya ma bi hewayêko ke agêrayîşê ci çin o, bêrê rijnayene."
Wekîla Mûşî ya DEM Partî Sumeyye Boz zî ard ziwan ke têkoşînê xoza yê Gimgimî bi têkoşînanê waranê cuye yê herêmanê cîya-cîyayan reyde xoverdayîşêko hempar o û vengdayîşê girdkerdişê têkoşînê rêxistinkerdeyî ya vera rijnayîşê ekolojîk kerd.
Pawitoxanê cuye waşt ke derheqê serewedartişê betalkerdişê Qanûnê Madenan de ke Mehkemeya Qanûnê Bingeyî de yeno munaqeşekerdene, qerarêko ke feydeyê pêroyî û heqanê xoza bigîro çiman ver, bêro dayene.
