Mehkemeya Qanunê Bingehînî derheqê 2 kesê ke serra 1999î de Darahênî de ameybî kiştiş de qerarê xo da. Qerar sey binpaykerdişê heqê cuye ame dayîş.
Qezaya Çolîgî Darahênî de 14 Nîsana 1999î de 2 wendekarî bi nameyê Mehmet û Yılmaz Eliveren hetê polîsan ra ameybî kiştiş.
Goreyo ke vajîyabi; Nê di welatî mîyanê pêrodayîşî mabênê eskeran û PKKyîyan de mendî û kişîyayî.
Dewlete derheqê kişyayîşê 2 kesan de bi fermî beyanat da û va” Pêrodayîş de 2 “terorîstî” ameyê kiştiş.”
La mebên ra 24 serrî vîyartî û vejîya werte ke 2 kesî xo rê telebe bî û tu eleqê înan bi rêxistine çin o. Mehmet û Yılmaz Eliveren a saete xo rê qehwexane de maç temaşe kerdêne.
Merdimê 2 kesê ke ameyê kiştiş o wext derheqê mudirîya asayîşî û polîsan de dewa akerde la hetanî ewro netîceyêk nêgirewt. Keyeyê înan serra 2010 na hewe Mehkemeya Qanûnê Bingehînî rê muracat kerd û mehkema qerarê xo da. Qerar sey binpaykerdişê heqê cuye ame dayîş. Mehkema qerar da ke keyeyan rê 390 hezar TL tazmînat bêro dayîş. Çime: Bingöl Kent Haber)
