ZAZAKÎ NEWS - Qezaya Darahênî ya Çewlîgî de, adiro ke yew cayê daristanî de vejiya, bi mudaxeleyê ekîban ame hewnakerdiş.
Goreyê agahîyan, adir nezdiyê dewa Yazkonaği û herêma Yolaçtî de vejiya. Wexto ke şarê a mintiqa kile adirî dîy, xebere day ekîbê îtfaîye yê Şaredarîya Darahênî û personêlê Mudirîya Karê Daristanî ya Darahênî herême rê ameyî şirawitene.
Netîceyê mudaxeleyê lezabezî yê ekîban de, verê adirî ame girewtene û adir gêrîya binê kontrolî û bi temamî ame hewnakerdiş.
Ame vatene ke xebatê serdkerdişî yê herême dewam kenê û derheqê sebebê vejayîşê adirî de zî cigêrayîş ameyo destpêkerdene.