Cezaya 6 serrî û 3 aşman dîya Dayîka Aştî Hayrîye Turkekul a 73 serrî.
Pêro çalakî, aktîvîte û grevê vêşanîyê ke Turkekule mîyan de ca girewta sey sûcî ameyê hesibnayîş.
Semedo ke Turkekule serra 2019î de semedê paştdayîşê Hemsereka Kongreya Komelê Demokratîke Leyla Guven kewta grevê vêşanî û endama Komala Cinîyan a Rosa ya, dozgerî eno sey sebebê "endamîya rêxistine" hesibna.
Heyeta mehkeme mutalaya dozgerî esas girewt û cezaya 6 serrî û 3 aşme da Hayrîye Turkekul.
Avukatê Hayriye Turkekul Mehdî Ozdemîr vano, “Semedo ke mîyanê tay aktîvîteyan de ca girewta Hayriye Turkekule rê ceza ameya birnayîş. Na nehqî ya. Ma qebûl nêkenê û semedo ke wa nêkewa hepisxane ma do her tewir teşebusan bike."
