Sîyasetmedara Kurd a verêne Leyna Zana semedo ke dewletanê xerîyan ra xelate girewta Tirkîya de derheqê aye de îdîaname ameyo hadrekerdiş, dewa ameya akerdiş û semedê aye cezaya hepisxaneyî yena waştiş.
Derheqê sîyasetmedara Kurd a verêne Leyna Zana de îdîaname ameyo hadrekerdiş û îdîaneme de qiseykerdişê aye yê verênî sey sûc ameyê hesibnayîş û îdîa beno ke Zana “Propagandaya rêxistina terorî” kerda.
Cayêkê îdîanemeyî de vajîyeno ke “Leyla Zana dewleta ke Tirkîya dir herb kena ra xelate girewta" û no rid ra derheqê aye de dewa ameya akerdiş.
Ame zanayîş ke, îdîaname hetê Dadgeha Cezaya Girane ya Anqara ya 27ine ra ameyo qebûlkerdiş.
Dewaya ke derheqê Leyla Zana de ameya akerdiş 7ê Êlule de dest pêkena.
