ZAZAKÎ NEWS - Dêrsim de heşê ke hewnê zimistanî ra weriştê û geyrenê werdî, kewtî kuwarê hingan ê Ali Kamer Demirbileko ke qezaya Pulemurîye de weyekerdişê hingan keno. Heşan zirar da 20 kewaran.
Saetanê serê sibayî de Demirbileko ke waşt kewaranê xo kontrol bikero, ferq kerd ke kewarî ameyê parçe kerdene. Cigêrayîşî ra dima ame tesbîtkerdene ke kewarî hetê heşî ra ameyê vilakerdene û kolonîyê hingan zî telef bîyê.