Şikeftê Birqleynî herçiqas herêma sîtê arkeolojîkî ya pileyê yewinî bî zî, par seba rûxsatanê madenî, ocaxanê kerrayan ameybî akerdiş. Netîceya îtirazan û proseyê hukuqî de proje ame feshkerdiş û qerarê vindarnayîşê xebatanê madenkarîye ame dayîş.
Şikeftê Birkleynî yê ke dewa Korxalî ya qezaya Licê ya Amedî de yê, seba herêmanê madenî, ocaxanê kerrayan û tesîsanê qûmî amebî akerdiş. Vera nê karî, nêzdîyê serrêk a verî seba feshkerdişê nê projeyan proseyêko hukuqî amebi destpêkerdiş. Netîceya îtirazan de mehkeme qerarê vindarnayî da û proje vindarna.
Avukatê Baroya Amedî û Serekê Komîsyonê Dormeyî Ahmet İnanî da zanayîş ke Şikeftê Birqleynî herêma sîtê arkeolojîkî ya pileyê yewinî ya. İnanî va: "Herçiqas winî yo zî, herêma ke nê şikeftî tede yê çi heyf ke seba rûxsatanê madenî amebî akerdiş. Vera naye, nêzdîyê serrêka verî seba feshkerdişê nê projeyan proseyêko hukuqî amebi destpêkerdiş."
