Hedîse qezaya Yenişehirî ya merkezê Dîyarbekirî de qewimî. Goreyê agahîyanê ke ameyî girewtene, keso ke nameyê ey nêame zanayîş, mîyanê kuçeyî de cinîya xo kişt.
Demo ke remêne xo kişt
Xeberdayîşî ser o polîs û ekîbê Weşîye yê Servîsê Acîlî yê 112yî sewqê cayê hedîseyî bîy. Keso hêrişker gama ke ekîbî dîy, bi wesayîtî ver bi hetê Teyaragehî rema. Şexso ke fehm kerd do bêro tepiştiş, bi sîlehê xo xo kişt.
Teqîb û kontrolan ra dima, cenazeyê her di kesan zî seba karê otopsî wedarîyay Dezgehê Tibê Edlîyî. Polîsan derheqê serebûtî de tehqîqat da dest pêkerdene.
