ZAZAKÎ NEWS - Qezaya Çemişgezekî ya Dêrsimî de, pezkovîyê ke serranê peyênan de hîna zaf asîyenê, na rey bi dîmenêko balkêş kewtî objektîfan. Pezkovîyê ke normal de koyanê berzan û zinaran ser de ciwîyenî, kuçeyanê Çemişgezekî de geyrenî.
Tewr peyên zî, pezkovîya ke amey cayê peykeranê pezkovîyan yê verê Qonaxê Hukumetî, mabênê di peykeran de vindert û dîmenêko balkêş vet meydan. Pezkovîya ke wextêko kilm pîya bi peykeran bêhereket mende, hetê welatîyanê derdorî ra bi meraq ame temaşakerdiş.