ZAZAKÎ NEWS - Tîma futbolî ya Dihokî, fînalê Kûpaya Iraqî de tîma Zaxoyî mexlub kerde û bîye şampîyon. Maço ke Stadyumê Şaabî yê Bexdadî de ame kaykerdiş de, wextê ey o normal 0-0 qedîya û Dihok bi eştişê penaltîyan 5-3 ser kewt.
No fînal, seba her di tîman zî yew maço tarîxî bi. Çunke her di tîman zî tarîxê xo de reya yewine bî ke vejîyaybî fînalê Kûpaya Iraqî. Hetanî ke resayî fînal, her di tîman zî tîmê pîlî yê Iraqî mexlub kerdbî.
Stadyumê Şaabî yê Bexdadî, şahidîya nê maçê tarîxî kerde û bi renganê sûr û sipî yê Zaxoyî û renganê zerd û kewe yê Dihokî amebi xemilnayîş.
Bi hezaran terefgîrî, seba nê maçê pîlî Dihok û Zaxo ra ameybî Bexdad. Ancî, terefgîrê ke Hewlêr, Silêmanî, Kerkûk û Helebce ra ameybî, seba ke paştî bidê tîmanê xo, stadyum de cayê xo girewt.
Wextê normalî yê maçî 0-0 bi pîya qedîya. Labelê, Dihok eştişê penaltîyan de 5-3 ser kewte û kûpa berde Kurdistan.