ZAZAKÎ NEWS - Çarçewaya tehqîqatî ke 2020î ra nata dewam keno de, 7 şaristanan de derheqê 13 gumanbaran de qerarê dest bendkerdişî ame dayîş. Ame zanayîş ke mîyanê nê kesan de lajê Walîyê Tuncelî yê o wextî û embazê Gulîstane Zeînal Abakarov zî estê.
Tehqîqato ke 2020î ra nata dewam keno de ewro, merkez Dêrsim, Îstanbul, Anqara, Antalya, Bursa, Xarpêt û Îzmîr de hemwext operasyon ame kerdiş.
Ame zanayîş ke mîyanê nameyanê ke qerarê destbendkerdişî seba înan dîyayo de, lajê Walîyê Tuncelî yê o wextî û mufetîşê Wezaretîya Karanê Zereyî yo nika Tuncay Sonelî, Mustafa Turkay Sonel zî ca gêno. Eşkera bi ke Sonel Îstanbul de ameyo dest bendkerdiş.
Lacê walîyê ê wextî Mustafa Turkay S. û embazê Dokuye Zeînal A. zî tede Engin Y., Cemile Y., Uğurcan A., Erdoğan E., Gökhan E., Savaş G., Süleyman Ö., Celal A., Nurşen A. û Şükrü E. pêroyî de 12 gumanbarî ameyî dest bendkerdiş.
12 kesê ke ameyî dest bendkerdiş, anê Dêrsim.
Çi bibi?
Wendekara Universîteya Munzurî ya Dêrsimî Gulîstan Doku, 5ê Çeleyê 2020î de yurdê xo yê mendişî ra vejîya û dima reyna qet xebere aye ra nêamey girewtiş.