Ame zanayîş ke çekdarê koma ′EL Hemzat′ ê ke girêdayîyê artêşa Tirkîya yê, Efrîn de hezar û 400 darê henaran birnayê.
Goreyê çimeyanê herêmê, çekdaranê El Hemzadî hezar û 400 darê henaran ê 2 welatîyanê dewa Eyn Darî ya qezaya Şêrawa ya Efrînî tira kerdê.
Zanîya ke ê daran ra 800 darî ê Nîhad Hisên Hemkî, 600 darî zî ê Ebdo Reşîd Seydo bîy.
Herêma Efrînî ya Rojawanê Kurdistanî, Adara serra 2018î ra hetê artêşa Tirkîya û komanê çekdaranê opozîsyona Sûriyî ra ameya îşqalkerdiş.
