Dêrsim de Festîvala Kultur û Xoza ya Munzurî bi şîarê 'Vera talanê ocaxanê madenan ma xoza û cuye pawenê' vizêr Meydanê Seyîd Rizayî de dest pêkerd.
Festîvala ke do çar rojî dewam bikero, dezgehê elewîyan, partîyê sîyasîyî, rêxistinê komelê demokratîkî, temsîlkarê dezgeh û sazgehan a pîya xeylêk kesî tewrê ci bîyî.
Wekîlê Dêrsimî Aytene Kordu akerdişê Festîvala Kultur û Xoza ya Munzurî de qisey kerd.
Wekîla Partîya Çep a Keske Aytene Kordu û Şeradarê Dêrsimî Mehmet Fatih Maçogluyî akerdişê festîvale de qisey kerd. Maçoguluyî vat her çiqas qedexeyî bibê zî do festîvale tim bêro kerdene. Kordu vist vîrî ke festivale bi qedexeyan dest pêkerde û grûbê muzîkî bajarî ra ameyî vetene
Badê akerdişê festîvale Kuçeyê Sanatî de binê sernameyê ''Elewîtîye û dewlete'' de panelêk ame kerdene.
Dima tîya panelê ''Erdlerz'' ame dayene. Prof.Dr. Savaş Karabulutî va, Dêrsim semedê erdlerzî hazir nîyo.
Şan de zî bi tewrêbîyayîşê Murat Akar, Serhat Şamdereli, Venge Ma Korusu, Vedat Gündoğdu, Şirin Demirtaş, Ali Haydar Güçlü, Jara Çimen,Harun Gümüş û Zeynep Bakşi Karataş Pûlûr de konserêk ame dayene. Hezaran kesî ameyê konsêr.
