Qezaya Gêxî ya Çewlîgî de hetê Yewîya Komeleyanê Gêxî ra Festîvala Xoza û Kulturî ame organîzekerdene. Festîvala ke do 12-13ê tebaxe de do biameyêne kerdene hetê qaymeqamîye ra ame qedexekerdene.
Komîteya Amedekerdişê Festîvale ke derheqê qerarê qedexeyê de eşkerayîye daye vat, bi bahaneyê qeza de cayê festîvale çîn o, ame qedexekerdene.
Eşkerayîye de wina ame vatene: ''No muhameleyêko weş nîyo. Na vera şarê Gêxî û merdimîye xirabîyêk a. Her hetê welatî de îna festîvalî benê la Gêxî de qedexe beno . Çîyo winayên nêno qebulkerdene. Waştişê ma o bi ke ma dej û keyfê xo bare bikerê. Ma pîya deyîranê kurdkî vajê û pîya gonvend bîgêrê. Gêxî de qedexekerdişê aktîvîteyanê winayênan nêno qebulkerdene.''
