Fuarê Kitaban yê Mezopomanyayî yo 10. yê Dîyarbekirî roja newine de qedîya. Fuarê kitaban roja 16ê kanûne de abibi û hetê şarê Dîyarbekirî û şarê dorûverî ra raştê eleqeyêko weş ame.
Ama zanayîş ke bi qasê 500 hezar tenan Fuarê Kitaban yê Dîyarbekirî zîyaret kerdo.
Fuarê Kitaban ê Mezopotamyayî hetê Odaya Sanayî û Bazirganî û Eylül Fuarcılıkî ra ame akerdiş û des rojî dewam kerd. Fuar de tewr zaf weşanxaneyê Kurd ca girewtî û kitabanê Kurdkî rê eleqe zaf zêde bi.
Fuarê Kitaban tewr peynî serra 2019î de amebi akerdiş û o wext 175 hezar û 714 kesan fuar zîyaret kerdbî. La emser hîrê qat zêde ra kesî ameyê fuar zîyaret kerdê.
Goreyo ke ame zanayîş, cayê fuarî de 120 standî ameyê ronayîş, 300 weşanxaneyî û 350 nuştoxî ameyê fuar û kitabê xo îmza kerdê.
